Varri i Jean-Marie Le Pen , themeluesit të Frontit Kombëtar dhe babait të lideres aktuale të ekstremit të djathtë, Marine Le Pen, u vandalizua mbrëmë nga sulmues të panjohur.
Kjo u mësua nga burime pranë politikanit të ndjerë francez, i cili u nda nga jeta më 7 janar në moshën 96-vjeçare dhe u varros në Brittany, në La-Trinité-sur-mer.
Varri i themeluesit historik të Frontit Kombëtar ka pësuar "dëmtime të konsiderueshme", raporton eurodeputeti Gilles Pennelle.
Dëmtimi, i konfirmuar më vonë nga xhandarët vendas, ishte raportuar nga një banor i La Trinité-sur-Mer.
Sipas burimeve të cituara nga gazeta Le Figaro , varri i familjes Le Pen është dëmtuar pjesërisht me shkop. Organet e rendit dhe zyrtarët e qytetit kanë shkuar në vendngjarje mëngjesin e sotëm dhe kanë nisur hetimet. (A2 Televizion)
A2 CNN Livestream
MUND TE LEXONI GJITHASHTU
