Një grup pune i Avokatit të Popullit po monitoron situatën në burgun e Pojskës, ku një grua e dënuar po vuan dënimin së bashku me foshnjën e saj 4-muajshe, të cilën e ushqen me gji. Ky institucion bëri të ditur se monitorimi synon verifikimin e kushteve dhe rrethanave të rastit, ndërsa gjetjet do të bëhen publike më vonë. Foshnja është vendosur me nënën në seksionin e posaçëm të burgut, ku ndodhet edhe çerdhja.
“Në vijim të interesit tuaj, ju bëj me dije se sot, një grup pune i Institucionit të Avokatit të Popullit, konkretisht Mekanizmi për Parandalimin e Torturës, po shkon në burgun e Pojskës, për të verifikuar situatën lidhur me dënimin e një zonje, që është njëherësh edhe nëne e një foshnje 4-muajshe”, njofton Avokati i Popullit.
Gruaja është njëra nga pesë e dënuarat në dosjen e grupit të Bruno Çobos, të akuzuar për mashtrimin e qytetarëve europianë përmes call center-ave. Ato kanë kërkuar në Gjykatën e Posaçme pezullimin e ekzekutimit të dënimit, duke iu referuar kujdesit për fëmijët e mitur dhe kushteve familjare.
Mes tyre janë Elisa Çaçi, e dënuar me 7 vite e 4 muaj burg, si dhe Rezarta Ibrahimi, Greta Pepa, Antoneta Malo dhe Silvana Veliu, të dënuara me nga 6 vite e 8 muaj burg.
Sipas informacioneve, në dosje janë gjashtë gra dhe dënimi është ekzekutuar për katër prej tyre, ndërsa Valbona Abedinaj dhe Antoneta Malo rezultojnë në kërkim. (A2 Televizion)
A2 CNN Livestream
MUND TE LEXONI GJITHASHTU
