Presidenti Ilir Meta dhe kryeministri Edi Rama kanë zgjedhur rrjetet sociale për të uruar presidentin e sapozgjedhur të Shteteve të Bashkuara të Amerikës, Joe Biden për fitoren e tij.
“Urime Joe Biden dhe Kamala Harris për fitoren e tyre në zgjedhjet e 2020 në SHBA. Mezi po pres për të bashkëpunuar me presidenti Biden për të forcuar marrëdhëniet tona strategjike”, shkruan presidenti Meta në Twitter.
Ndërsa kryeministri Rama zgjodhi të përshëndesë bashkëpunimin e deritanishëm me administratën Trump dhe shton gjithashtu se është i gatshëm të forcojë më tej marrëdhëniet SHBA-Shqipëri.
“Ishte një privilegj e kënaqësi bashkëpunimi me Presidentin Trump e administratën e tij dhe duke uruar Presidentin e zgjedhur të SHBA Joe Biden për fitoren e tij spektakolare, jam i lumtur të vijoj bashkëpunimin për forcimin e partneritetit strategjik me Shtetet e Bashkuara”, shkruan kreu i qeverisë. (A2 Televizion)
A2 CNN Livestream
MUND TE LEXONI GJITHASHTU
