Kryebashkiakja e Shkodrës, Voltani Ademi, ka apeluar për shpalljen e gjendjes së emergjencës lokale. Në "Absolut 4", Ademi tha se situata në qarkun e Shkodrës është përkeqësuar për shkak të reshjeve, ku niveli i liqenit ka arritur pikën maksimale dhe rrezikon zonat urbane.
“Jemi në kushtet e shpalljes së emergjencës lokale duhet vëmendje për të verifikuar dëmin, por minimalja është ushqimi për gjënë e gjallë. Sot, situata është përkeqësuar ndjeshëm, 2315 ha tokë bujqësor e përmbytur në disa njësi administrative kryesisht Ana e Malit, Dajçi një pjesë e Velipojës. Në rrethina dhe zonën e livadheve, që janë buzë liqenit të Shkodrës, rritja e lumenjve dhe liqenit është në kuotën maksimale dhe kemi risk në zonat urbane. Deri tani nuk kemi pasur probleme në zonat urbane”.
Ademi theksoi se dëmi i shkaktuar është shumë më i madh se në 2018 dhe tha se asnjëherë nuk janë kompensuar.
“Ne kemi më shumë sipërfaqe të përmbytura se në 2018, dhe problem është kohëzgjatja e prezencës së ujit në tokat bujqësore.
Të vlerësohet kohëzgjatja e përmbytjes. Të shpallet emergjenca lokale, të sigurohen shërbimet e shpenzimet për gjënë e gjallë dhe trajtimin e tokave bujqësore dhe dëmin e shkaktuar, si dhe nevojën për investim për të ripunuar tokën. Është një dëm i konsiderueshëm. Në 2018, dëmi kalon 3.5 mld lekë. Kemi sipërfaqe të mëdha të mbjella me grurë dhe e kalon 3.5 mld lekë nevojën për shpërblim. Asgjë dhe asnjëherë nuk është kompensuar dhe kjo bëhet më e rëndë kur përsëritet. Të shihet mundësia e dëmshpërblimit për të punuar si më përpara”.
Sipas Ademit, janë 40 familje me prani uji dhe 4 prej tyre janë zhvendosur, ndërsa prania e ujit në rrugë në Obot është 1.5 metra.
"Probleme ka në fushën e Nënshkodrës, që kalojnë kuotën e shkarkimeve dhe prurjeve duke sjellë përmbytje. Situata është e vështirë. 1.5 metër prania në rrugën e Obotit dhe në shkallët e para të ndërtesave, 40 banesa të rrethuar me ujë. Kemi lëvizur familjet tek të afërmit dhe në Livadhe dy familje. Në Darragjat kemi zhvendosur gjënë e gjallë. Situata është e njëjtë me atë të vitit 2018." (A2 Televizion)
A2 CNN Livestream
MUND TE LEXONI GJITHASHTU
