Artistët e vegjël në skenë, pas një viti pandemi rikthehen konkurset për shkollat 9-vjeçare

Lehtësimi i masave shtrënguese ka sjellë edhe rizgjimin e jetës artistike për fëmijët. Pas shumë kohësh mungese të konkurseve artistike dhe një viti të vështirë sa në klasa e sa në internet,  është zhvilluar konkursi ndërkombëtar “Tirana Talent” ne edicionin e tij të 12.

Juria profesionale me pedagoge të Universitetit të Artit mbylli një konkurrim sa të vështirë aq edhe emocionues për të gjitha arsyet e këtij viti pandemik.

Ashtu si çdo vit, shkollat me profil muzikor që nga klasa e parë e deri në të nëntën, konkurruan për çmimet e para në piano, fizarmonikë, flaut, violinë dhe kitarë.

Përtej çmimit, kësaj radhe me e rëndësishmja sipas organizatorëve ishte prekja e skenës pas shumë kohesh, nga fëmijët. (A2 Televizion)