Napoli vuajti më shumë sesa pritej ndaj Venezias dhe u deshën dy penallti brenda 5 minutave që të zhbllokonte rezultatin ndaj skuadrës që erdhi nga Seria B.
Ekipi i drejtuar nga Luciano Spalletti fitoi 2-0 një ndeshje ku e pa veten me një lojtar më pak që në minutën e 23-të, kur Osimhen u ndëshkua me të kuq për goditje të kundërshtarit pa top.
Në pjesën e dytë, napolitanët fituan dy 11-metërsha. Insigne humbi penalltinë e parë, por shënoi të dytën, duke çliruar vendasit.
Elmas vulosi ndeshjen në minutën e 72-të, duke i dhënë 3 pikë Napolit në ndeshjen e parë të Serisë A.
Ndërkohë, debutim me fitore edhe për Jose Mourinho në krye të Romës. 3-1 rezultati final, me Jordan Veretout heroin e përballjes. Francezi shënoi dy gola në pjesën e dytë për t’i dhënë fitoren verdhekuqve. Në pjesën e parë Mkhytarian kishte kaluar në avantazh Romën, ndërsa në minutën e 60 barazoi Milenkovic.
Portieri Dragowski (Fiorentina) dhe Zaniolo (Roma) u ndëshkuan me karton të kuq. (A2 Televizion)
A2 CNN Livestream
MUND TE LEXONI GJITHASHTU
