Cristiano në stol, Allegri jep versionin e tij

Massimiliano Allegri, trajneri i Juventusit, tregoi pse Cristiano Ronaldo e nisi ndeshjen e sotme ndaj Udineses nga stoli.

Sipas Sky, portugezi kishte kërkuar vetë të mos ishte titullar, duke bërë që të forcohen pikëpyetjet e mëdha mbi vazhdimësinë e tij me bardhezinjtë.

Por, Allegri tha pas ndeshjes së barazuar 2-2 se ishte ai që e la në stol.

“Cristiano është mirë, kam folur me të. Duke parë gjendjen e tij fizike dhe ndeshjen që kishim para, i thashë të qëndronte në stol. Ai u vu në dispozicion të ekipit, hyri në fushë dhe madje shënoi (gol që u anuluan me VAR për pozicion jashtë loje). Në këtë fazë të sezonit duhet të vihemi të gjithë në dispozicion të skuadrës, zëvendësimet janë të rëndësishme”, tha Allegri. (A2 Televizion)