Deputeti socialist Pandeli Majko ka reaguar pas përfundimit të numërimit të votave preferenciale në Tiranë.
Përmes një statusi në rrjete sociale, Majko shkroi se edhe pse është ndër dhjetë më të votuarit në kryeqytet, sistemi nuk e lejon atë të jetë deputet për 4 vitet e ardhshme.
Majko shkruan se fushatën për numrin e tij personal e kaloi në plan të dytë.
“Miq, megjithëse matematika më rendit në 10 kandidaturat e votuara në qarkun e Tiranës, në zgjedhjet e 25 prillit, unë nuk do të jem deputet në Kuvendin e Shqipërisë.
Sistemi elektoral është ky që kemi pranuar. Përvoja më ka mësuar se duhet të jesh i gatshëm të shohësh atë që ekziston.
Isha i bindur se do ti fitonim 19 mandate në Tiranë. Ndaj fushatën për numrin tim personal 19 e kalova në plan të dytë. Edhe për këtë arsye, rezultati nuk është një përrallë që e mposht me logjikë.
Ju falenderoj që votuat për numrin 12, Partinë Socialiste!
Sic do të thoshte im atë ndjesë pastë,… “19-ta kërkon leje për tu ulur në aeroport!" Ju jam mirënjohës që më bëtë ky që jam.
Shpresoj tu kem dhënë “everything”! Mirupafshim!
Pandi, Tiranë 30 Prill 2021”, shkroi Majko. (A2 Televizion)
A2 CNN Livestream
MUND TE LEXONI GJITHASHTU
