Edicioni i 91-të i Academy Awards, të njohur botërisht si çmimet Oskar, dhuroi disa surpriza natën që kaloi.
Mbi të gjitha surprizat erdhën në kategorinë “Best movie”, pra filmin më të mirë, që u fitua nga Green Book, historia e miqësisë midis një pianisti afroamerikan (Mahershala Ali, që fitoi edhe çmimin për aktorin jo protagonist” dhe një italoamerikani.
Filmi fitoi kundër parashikimeve që shihnin “Roma” e meksikanit Alfonso Quaron si favorit, që gjithsesi u ngushëllua me statujën si regjisor më i mirë dhe atë të filmit më të mirë të huaj.
An image of Freddie Mercury appears on screen as Brian May, left, and Adam Lambert of Queen perform at the Oscars on Sunday, Feb. 24, 2019, at the Dolby Theatre in Los Angeles. (Photo by Chris Pizzello/Invision/AP) 
Në kategorinë e Aktorit më të Mirë, triumfi ishte më i parashikueshëm, ai i Rami Malek për rolin mbresëlënës e Freddy Mercury në Bohemian Rapsody, film që mori edhe tre çmime të tjera kryesisht për efektet muzikore.
Aktorja më e mirë u gjykua Olivia Colman për filmin “The favourite” e regjisorit grek Yorgos Lanthimos, edhe kjo një surprizë sepse parashikimet ishin të gjithë për Glenn Close ne filmin “The wife”.
Regjisori Spike Lee fitoi Oskarin e tij të parë, ne kategorinë skenarit më të mirë, me filmin BlacKkKlansman.
Kënga më e mirë u shpall “Shallow” e Lady Gagës, në filmin “A star is born”, ku interpreton bashkë me Bradley Cooper.
Efektet speciale u dominuan nga “Black Panther”, i cili fitoi tre statuja. (A2 Televizion)
A2 CNN Livestream
MUND TE LEXONI GJITHASHTU
