Pas Hasan Nasrallah, Izraeli duket se ka eliminuar edhe pasuesin e mundshëm dhe kushëririn e tij, Hashem Safieddine. Sipas izraelit ministrit të mbrojtjes Yoav Gallant ai kishte mbetur i vrarë gjatë një sulmi javën e kaluar.
Mediat amerikane kishin raportuar për vrasjen e Safieffine, por kjo nuk ishte konfirmuar ende as nga Izraeli e as nga Hezbollahu.
Gjatë një mbledhje me forcat e mbrojtjes, Gallant pohoi gjithashtu se forca e Hezbollahut ishte thyer e shkatërruar që prej eliminimit të Nasrallah, edhe pse milicia e armatosur në Liban e mohoi më herët diçka të tillë.
Zëvendëssekretari i përgjithshëm i grupit, Sheikh Naim Qassem, tha të martën se fraksioni i armatosur mbështet një marrëveshje armëpushimi në Liban.
“Armiku izraelit, bashkë me SHBA dhe vendet perëndimore, por përpiqen të na bëjnë presion në mënyrë që të na frikësojnë. Por ne nuk kemi frikë. Izraelitët janë ata që duan të shfarosin të gjithë ata që u dalin para, çdokënd që kërkon të drejtat e veta. Ato duan t’i nënshtrojnë të gjithë ndaj urdhrave të veta, por kjo nuk do të ndodhë. Irani ka siguruar mbështetje të fortë për rezistencën ne Palestinë, Liban dhe rajon, dhe për këtë është krenar. Ju siguroj se kapacitetet tona janë shumë mirë dhe pretendimi i armikut se ato po dëmtohen, është thjeshtë një gënjeshtër” u shpreh Sheikh Naim Qassem.
Hezbollahu lëshoi shi raketash kundër Haifas, në valën më intensive të sulmeve kundër qytetit port duke shënjestruar gjithashtu edhe qytetin Krayot . Mbi 100 raketa u hodhën brenda gjysmë ore, por shumica e tyre u interceptuan nga sistemi Iron Dome i Izraelit.
Sulmi erdhi pasi ushtria izraelite njoftoi se kishte zgjeruar inkursionin tokësor edhe në jugperëndim të Libanit, përveçse në juglindje.
Teksa lufta mes Izraelit dhe Hezbollahut përshkallëzohet, ministri i jashtëm iranian paralajmëroi se çdo sulm kundër shtetit të tij, do të merrte një përgjigjje edhe më të fortë. Ai tha se Teherani nuk kërkonte luftë, por se ishte plotësisht i përgatitur nëse Izraeli do te testonte vullnetin e tyre. (A2 Televizion)
A2 CNN Livestream
MUND TE LEXONI GJITHASHTU
