Një amerikan i zhdukur thuhet se është gjetur në Siri, raporton rrjeti ynë partner NBC.
Sipas mediave të huaja, burri i cili e identifikoi veten si një amerikan i quajtur Travis Timmerman nga Misuri, i tha NBC se ai ishte një "pelegrin" i cili u arrestua në fillim të këtij viti pasi kaloi në vend në këmbë.
Ai tha se ishte burgosur, por ishte trajtuar mirë. Ai nuk pranoi të jepte mbiemrin e tij dhe tha se nuk ishte gazetar.
Amerikani u shfaq në videot që qarkullonin në internet, në të cilat rebelët thanë se e kishin gjetur dhe po e mbanin të sigurt.
Burri u gjet në qytetin Dhiyabia, pak jashtë kryeqytetit sirian Damask, nga korrespondenti i huaj i NBC News, Matt Bradley dhe u gjet i rrethuar nga gazetarët ndërsa ishte ulur në një shtrat në një dhomë.
Ai shpjegoi se "kishte lexuar shumë shkrimet e shenjta" përpara se të vendoste të kalonte malet nga Libani në Siri, shkruan A2 CNN.
Burri shpjegoi se kishte qenë në Evropë përpara se të shkonte në pelegrinazhin e tij dhe të udhëtonte nga Libani në Siri në fund të majit, por u pa nga një roje kufitare dhe u ndalua. (A2 Televizion)
A2 CNN Livestream
MUND TE LEXONI GJITHASHTU
