Një tërmet me magnitudë paraprake 7,1 goditi të martën prefekturën jugore të Kumamotos në Japoni, duke lënë pa energji elektrike mijëra banesa, duke ndërprerë shërbimin hekurudhor dhe duke shkaktuar paralajmërime për cunami dhe pasgoditje.
Qeveria japoneze lëshoi paralajmërime emergjente për tërmet për prefekturat Kumamoto, Nagasaki, Kagoshima, Fukuoka, Saga, Oita dhe Miyazaki, të gjitha të vendosura në ishullin jugor Kyushu. Agjencia Meteorologjike e Japonisë nxori gjithashtu një paralajmërim për cunami, me valë me lartësi deri në 1 metër.
Japonia është një nga vendet më të prekura nga tërmetet në botë, ku mesatarisht regjistrohet një lëkundje sizmike të paktën çdo pesë minuta. E vendosur përgjatë të ashtuquajturës “Unaza e Zjarrit” (Ring of Fire), një zonë me vullkane dhe hendeqe oqeanike që rrethon pjesërisht Oqeanin Paqësor, Japonia goditet nga rreth 20% e tërmeteve në botë me magnitudë 6,0 ose më të madhe.
Një tërmet shkatërrues që goditi Kumamoton 10 vjet më parë shkaktoi vdekjen e 275 personave dhe plagosjen e 2739 të tjerëve, sipas të dhënave zyrtare. (A2 Televizion)
A2 CNN Livestream
MUND TE LEXONI GJITHASHTU
