Ushtria izraelite njoftoi se kishte nisur inkursionin tokësor në jugperëndim të Libanit, duke e zgjeruar operacionin ushtarak në një zonë të re, një vit pas nisjes së shkëmbimeve të zjarrit me Hezbollahun. Deri më tani lufta ishte përqendruar në pjesën lindore të kufirit. Forcat e mbrojtjes thanë se kishin shtuar presionin ndaj milicisë së armatosur në Liban, duke zhvilluar operacione të limituara dhe lokalizuara në zonat jugperëndimore, transmeton A2.
Po ashtu ushtria bombardoi intensivisht periferitë jugore të Bejrutit gjatë natës, duke vrarë edhe një komandant të lartë të Hezbollah, përgjegjës për buxhetin dhe logjistikën e grupit. Nëse konfirmohet, vdekja e Suhail Hussein, Husseini do të ishte e fundit në radhën e vrasjeve të liderëve dhe komandatëve të lartë të Hezbollahut dhe aleatit të tij, Hamas, në Gaza.
Rreth 2040 persona janë vrarë deri më tani që prej nisjes së operacionit ushtarak të Izraelit në Liban. Sirenat e alarmit ranë edhe rreth Izraelit, pasi Hezbollai lëshoi një seri raketash kundër Izraelit, enjë shpërthim I fortë u dëgjua në Tel Aviv, shkruan A2.
Përshkallëzimi i zjarrit, vjen teksa Irani paralajmëroi të martën Izraelin, kundër ndërmarrjes së ndonjë sulmi ndaj Republikës Islamike, një javë pasi kjo e fundit lëshoi breshëri raketash balistike ndaj shtetit Hebre.
“Këshillojmë regjimin Zionist të mos testojë vendosmërinë e Republikës Islamike. Nëse do të ketë ndonjë sulm kundër vendit tonë, përgjigjja jonë do të jetë me e fortë”, tha ministri i Jashtëm Abbas Araqchi.
Izraeli ka sugjeruar se po përgatit planin e hakmarrjes, e sipas zyrtarëve të cituar nga mediat amerikane, mund të godasin infrastrukturën iraniane të naftës. Kjo do të shënonte një përshkallëzim serioz që do të ndikonte në rritjen e çmimeve globale të karburantit.
Presidenti amerikan Joe Biden i ka kërkuar Netanjahut të mendojë alternativa ndaj goditjes së fushave të naftës. (A2 Televizion)
A2 CNN Livestream
MUND TE LEXONI GJITHASHTU
