Ka shkuar më shumë se 500 numri i viktimave nga përmbytjet në Indonezi, teksa ekipet e kërkim shpëtimit vijojnë operacionin për të arritur në zonat e prekura.
Përmbytjet, të cilat u shkaktuan nga një ciklon i rrallë që ishte formuar mbi ngushticën e Malakës, kanë goditur tre provinca dhe kanë prekur rreth 1.4 milion njerëz.
500 persona mbeten të zhdukur, ndërsa mijëra të tjerë janë plagosur.
Indonezia është vetëm një pjesë e Azisë që është goditur nga shira të rrëmbyeshëm dhe stuhitë në ditët e fundit, me Tajlandën, Malajzinë dhe Sri Lankën që gjithashtu raportojnë vdekje.
Në Indonezi, provincat e Aceh, Sumatra Veriore dhe Sumatra Perëndimore janë goditur më rëndë, me mijëra banorë ende pa furnizime kritike dhe të izoluar nga pjesa tjetër e vendit.
Shumë prej tyre ende presin për ndihmë ushqimore, ndërsa disa të tjerë thonë se nuk kanë ngrënë për dy deri në tre ditë. (A2 Televizion)
A2 CNN Livestream
MUND TE LEXONI GJITHASHTU
