Kontrolli i produkteve ushqimore në përgjithësi dhe atyre bujqësore në veçanti për përmbajtje të lartë me pesticide, do të jenë fokus i punës së inspektoriateve. Paralajmërimin e ka dhënë vetë kryeinspektori, Dashnor Sula.
Inspektori i Përgjithshëm Dashnor Sula ka deklaruar nga Fieri, ku mblodhi në një takim inspektoriatet vendore, se garantimi i cilësisë së produkteve ushqimore duke filluar nga ato bujqësore dhe blegtorale do të jetë fokus kryesor i punës së AKU në këtë qark, duke qenë se prodhimet bujqësore të kësaj zone shpërndahen thuajse në të gjithë vendin.
Gjithashtu kryeinspektori Sula ka deklaruar se brenda 3 muajve do të identifikohen edhe do të merren masat për të ndaluar ndotjen e mjedisit dhe ujërave.
Sipas Sulës ristrukturimi total i inspektoriateve dhe shkrirja mes tyre do të bëjë që kontrollet të jenë jo vetëm të vazhdueshme por edhe të paanshme dhe efikase. (A2 Televizion)
A2 CNN Livestream
MUND TE LEXONI GJITHASHTU
