Është tensionuar sërish situata para parlamentit mes protestuesve dhe policisë. A2 CNN raporton se Policia ka përdorur spray për të shpërndarë turmën. Për pasojë, disa protestues kanë mbetur të lënduar, ndërsa ambulancat kanë transportuar të paktën 10 prej tyre drejt spitalit për të marrë ndihmë mjekësore.
Një prej protestuesve raportohet se ka pësuar dëmtime në sy pas përdorimit të spray-t dhe ka pritur mbërritjen e ambulancës.
Protestuesit i kanë vënë flakën disa koshave të mbeturinave pranë qendrës tregtare krah parlamentit, por janë fikur nga efektivët.
Një tjetër protestues ka mbetur i lënduar në sy nga spray i hedhur nga policia dhe është në pritje të ambulancës.
Ndërkohë një grup protestuesish me në krye deputetin Klevis Balliu kanë kapërcyer Lanën dhe po tentojnë të shkojnë te rrethimi i parlamentit.
Kordoni i policisë është vendosur në mënyrë të tillë që të ndajë protestuesit e PD nga ata të flamingove.
(A2 Televizion)
A2 CNN Livestream
MUND TE LEXONI GJITHASHTU
