Të shtëna me armë zjarri janë regjistruar ditën e sotmë në Bulqizë, shkruan A2 CNN.
Përmes një njoftimi, Policia bën të ditur se një person i paidentifikuar ka qëlluar me armë zjarri, por pa shkaktuar dëmtime.
Po ashtu bëhet me dije se nga kontrolli i territorit, në aksin rrugor Qafa e Buallit-Klos, është gjetur i djegur një motomjet që dyshohet të jetë përdorur nga autori i sulmit.
Ndërkohë grupi hetimor nën drejtimin e Prokurorisë, po kryen hetimet për zbardhjen e plotë të rrethanave të ngjarjes.
Njoftimi i Policisë:
Bulqizë/Informacion paraprak
Mesditën e sotme, shtetasi L.T, ka njoftuar sallën operative se në qytetin e Bulqizës, një person i paidentifikuar ka qëlluar me armë zjarri, por pa shkaktuar dëmtime.
Nga kontrolli i territorit, në aksin rrugor Qafa e Buallit-Klos, është gjetur i djegur një motomjet që dyshohet të jetë përdorur nga autori i këtij rasti.
Grupi hetimor nën drejtimin e Prokurorisë, po kryen hetimet për zbardhjen dhe rrethanat e këtij rasti.
Në përfundim të veprimeve të para hetimore do të japim informacion më të plotë. (A2 Televizion)
A2 CNN Livestream
MUND TE LEXONI GJITHASHTU
