A2 CNN ka siguruar foton e Ylli Zallës, person i shpallur në kërkim, pasi në banesën e tij u gjet një sasi e konsiderueshme armësh dhe lëndësh shpërthyese. Zalla dyshohet se ka fuyrnizuar me armë personat që realizuan atentatin në Rinas të martën e 11 nëntorit, ku mbeti i vrarë Gilmando Dani dhe i plagosur rëndë Mustafa Sheqeri, përcjell A2 CNN.
Banesa ndodhej në fshatin Zall, Fushë Krujë, ku mbahej arsenal armësh shpërthyese, armësh zjarri dhe municioni.
Gjatë kontrolleve, u gjetën në këtë banesë:
-3 kallëpë tritol;
-12 granata dore sulmuese;
-sasi lëndësh plasëse gati për shpërthim, të montuara me kapsolla detonatore, fitil zjarrpërcjellës dhe celularë(mina);
-3 ndezës granatash, kapsolla detonatore dhe 5 celularë;
-4 armë zjarri (2 automatikë dhe 2 pushkë), 8 krehra dhe pjesë armësh;
-6000 fishekë të kalibrave të ndryshëm;
-2 kg e 25 gramë Cannabis.
48-vjeçari Zalla është shpallur në kërkim dhe po hetohet me qëllim zbardhjen e lidhjes së mundshme që mund të ketë me ngjarjen e ndodhur te rrethrrotullimi i Rinasit. (A2 Televizion)
A2 CNN Livestream
MUND TE LEXONI GJITHASHTU
