Një zbulim i ri në Parkun Kombëtar Yellowstone ka shfaqur aktivitetin e vazhdueshëm të supervullkanit që ndodhet nën sipërfaqen e tij. Shkencëtarët e Shërbimit Gjeologjik të SHBA (USGS) kanë zbuluar një vatër të re termale në zonën Norris Geyser Basin, e cila po çliron avuj të nxehtë në ajër.
Vatra ndodhet në fundin e një rrjedhe lave dhe është pjesë e një rajoni me aktivitet hidrotermal të shpeshtë. Shkencëtarët e zbuluan atë gjatë verës së kaluar kur një studiues i parkut vuri re avullin që ngrihej mes pemëve.
Pas verifikimeve, ekspertët konstatuan se vatra është shumë e re, pasi është e mbuluar me një shtresë të hollë argjili dhe temperaturat arrijnë deri në 77°C. Ky nuk është rasti i parë i këtij fenomeni në zonë, pasi një vatër e ngjashme u zbulua në vitin 2003.
Megjithëse vatra vazhdoi të lëshonte avull deri në vjeshtë, gjatë dimrit aktiviteti i saj u ul dhe u mbush me ujë. Ekspertët thonë se nuk dihet nëse pluhuri i avullit do të rikthehet në verën e vitit 2025.
Pavarësisht këtyre shenjave të aktivitetit, USGS siguron se nuk ka asnjë rrezik për shpërthim të madh, pasi supervullkani nuk pritet të shpërthejë për të paktën 100,000 vjet. (A2 Televizion)
A2 CNN Livestream
MUND TE LEXONI GJITHASHTU
