Teleskopi Hapësinor James Webb ka zbuluar për herë të parë dioksid karboni në një sistem shumëplanetësh të studiuar prej kohësh për dinamikën e formimit të planeteve: HR 8799, 130 vite dritë larg.
Duke bërë këtë, ai siguroi një nga imazhet më të qarta të drejtpërdrejta të ekzoplaneteve të marra ndonjëherë dhe konfirmoi se planetët gjigantë brenda HR 8799 u formuan nga një proces i ngadaltë, i ngjashëm me atë me të cilin u formuan Jupiteri dhe Saturni. Analiza e vëzhgimeve të reja është publikuar në revistën shkencore “The Astrophysical Journal”.
Teleskopi hapësinor kishte zbuluar më parë dioksid karboni në një ekzoplanet (ËASP-39 b), por në mënyrë indirekte: ai kishte arritur të maste senë ç’mënyrë atmosfera e planetit ndryshonte dritën e yllit të tij kur i kalonte para.
Shkencëtarët thonë se vëzhgimet e reja do të na ndihmojnë të kuptojmë nëse objektet e gjetura rreth yjeve të tjerë janë me të vërtetë planetë gjigantë ose yje të dështuar që nuk kanë grumbulluar masë të mjaftueshme për të nisur shkrirjen bërthamore. (A2 Televizion)
A2 CNN Livestream
MUND TE LEXONI GJITHASHTU
