Myslimanët në mbarë botën sot festojnë Kurban Bajramin, i cili te shqiptarët njihet ndryshe edhe si Bajrami i Vogël. Në Shqipëri, por edhe në Kosovë, falja e Bajramit u realizua në disa xhami të vendit dhe jo në shesh, siç ka ndodhur vitet e shkuara.
Për shkak të pandemisë së Covid-19, në koordinim me myftinitë e rretheve u mor vendimi që falja e Kurban Bajramit të mos bëhet në sheshe për të shmangur grumbullimet e mëdha, por nëpër xhami, duke zbatuar të gjitha masat.
Besimtarët janë detyruar të zbatojnë masat e sigurisë në xhami si dhe të ruajnë distancën e sigurisë.
Në Kukës, besimtarët e falën namazin e Kurban Bajramit në dy xhamitë e qytetit, por edhe në fshatra.
Pavarësisht mesazhit dhe thirrjes së kryetarit të komunitetit mysliman Bujar Spahiu për respektimin e protokollit sanitar, në xhaminë e Kukësit u mblodhën shumë besimtarë. Asnjëri prej tyre nuk mbante maskë dhe në shkelje me rregullat anti-Covid të distancimit fizik. (A2 Televizion)
A2 CNN Livestream
MUND TE LEXONI GJITHASHTU
