Një tjetër tragjedi ka tronditur Rripin e Gazës, ku të paktën gjashtë palestinezë kanë humbur jetën nga sulmet izraelite. Mes viktimave janë edhe një baba dhe djali i tij vetëm 13-vjeçar, të cilët u vranë në një sulm ajror në qytetin e Gazës.
Sipas burimeve lokale shëndetësore, tre persona të tjerë u vranë nga një sulm ajror ndaj një banese në zonën Daraj, ndërsa babai dhe djali i tij u goditën teksa ndodheshin në një tendë në lagjen Zeitoun. Një tjetër palestinez humbi jetën nga të shtënat izraelite në Khan Younis.
Pamjet dhe raportimet nga Gaza dëshmojnë për një realitet gjithnjë e më të rëndë për familjet palestineze, ku as tendat që shërbejnë si strehë për të zhvendosurit nuk ofrojnë siguri.
Sipas Ministrisë së Shëndetësisë në Gaza, më shumë se 1,600 palestinezë janë vrarë që nga armëpushimi i vitit të kaluar, ndërsa numri i përgjithshëm i viktimave që prej 7 tetorit 2023 ka kaluar 74 mijë. (A2 Televizion)
A2 CNN Livestream
MUND TE LEXONI GJITHASHTU
