Flamur Hoxha është deputet i PD, duke përfaqësuar Kukësin, por edhe sipërmarrës nga viti 1992. Ai gjykon se masat e qeverisë për ekonominë ku spikat më së fundi miratimi i eurobondit me 650 milionë euro, nuk është ai i duhuri. Ndërkohë, brenda Partisë Demokratike, beteja midis “Foltores” të Sali Berishës dhe lidershipit zyrtar po merr tone gjithmonë e më të ashpra. “Jam një nga nismëtarët e PD, e kam parë gjithmonë veten në PD si opozitar brenda partisë, për ta ndryshuar. Nuk jam fshehur, unë nuk jam me asnjë nga kryetarët që vijnë dhe ikin, dhe si mua janë shumë që e mendojnë njësoj. Flas për të gjithë ato demokratë që nuk kanë përfituar asnjëherë, pjesa më stoike e PD, e cila po përdoret”, thotë deputeti, i ftuar në A2 CNN. (A2 Televizion)
A2 CNN Livestream
MUND TE LEXONI GJITHASHTU
