Përsëri me stuhi, nga bregu në breg. I ftohti i acartë që pushtoi Shtetet e Bashkuara javën e kaluar, vijon edhe gjysmën e dytë të shkurtit. Në veriperëndim të paqësorit, Siatëll ka përjetuar sasinë më të madhe të borës në më shumë se 50 vjet.
Shumica e shteteve amerikane kanë shpallur tashmë gjendjen e emergjencës prej fundjavës, përfshirë Oklahoman, ku u shënuan së paku 80 aksidente automobilistike, ndërsa në Hjuston kishte më shumë se 100. Për pasojë, Presidenti Joe Biden miratoi shpalljen e emergjencës federale në Teksas.
Moti ka shkaktuar probleme të furnizimit me energji elektrike, përqark Shteteve të Bashkuara, me më shumë se gjysmë milioni banorë, në 5 shtete, që nuk kanë pasur energji të dielën në mbrëmje.
Por duket se i ftohti nuk do të ndalet me kaq. Në Konektikat, autoritetet janë të shqetësuara se po mbarojnë furnizimet me kripë për rrugët. (A2 Televizion)
A2 CNN Livestream
MUND TE LEXONI GJITHASHTU
