Diego Maradona - Sikurse dhe Messi, Maradona ishte një gjeni në fushë dhe i përshtatej më së miri stilit të lojës që zhvillohej te Barcelona. Çdo javë ishte kënaqësi të shihje argjentinasin teksa luante me fanellën blaugrana. Në qershor 1983 ai arriti atë që nuk e kishte bërë asnjë lojtar tjetër i Barcelona-s, të duartrokitej nga publiku në “Santiago Bernabeu”, pas një goli kryevepër në portën e Real Madrid.
Por në sezonin 1983-84, Maradona do t’i jepte fund historisë së bukur për shkak të sjelljes së tij aq të diskutueshme, që e shoqëroi përgjatë gjithë karrierës. Në finalen e Kupës së Mbretit kundër Athletic Bilbao-s, argjentinasi, i shënjestruar nga tifozët dhe lojtarët kundërshtarë, humbi toruan dhe goditi me kokë lojtarin e Bilbao-s, Miguel Saloa, para 100 mijë spektatorëve, mes tyre edhe Mbreti Juan Carlos. Barça humbi ndeshjen 1-0 dhe presidenti Josep Lluis Nunez, me të cilin kishte pasur edhe probleme të mëparshme, vendosi ta shiste te Napoli.
Luis Figo – Ky pa diskutim është një rast që vazhdon të diskutohet edhe sot e kësaj dite. Një prej lojtarëve më të mirë të skuadrës, Luis Figo, u largua për t’iu bashkuar kundërshtarëve të Real Madrid. Dashuria u kthye në urrejtje dhe kur Figo u rikthye në “Camp Nou” në vitin 2000 me fanelën e bardhë, mes shumë sendesh në fushë përfundoi edhe një kokë derri. Presidenti i klubit asokohe, Joan Gaspart, do ta quante këtë lëvizje amorale. “Kushdo që është përgjegjës për këtë, do ta paguajë shenjtrë”, do të deklaronte ai. 
Rivaldo - Në vitin 1999, Rivaldo ishte lojtari më i mirë në botë. Sapo kishte fituar Topin e Artë dhe ishte lojtari më i rrezikshëm te Barcelona. Njëlloj si Messi, braziliani nuk kishte frikë të ngrinte zërin, çka solli një përballje me një tjetër personazh tepër kryelartë, si trajneri Louis van Gaal. Rivaldo i tha holandezit se dëshironte të luante pas sulmuesit kryesor dhe jo në krah të majtë, por ky i fundit vendosi ta ulte në stol.
Më ndihmën edhe të shtypit vendas, Rivaldo fitoi “raundin e parë” dhe klubi vendosi të shkarkonte trajnerin. Por kur Van Gaal u kthye në vitin 2002 gjërat do të shkonin ndryshe. Ai vendosi ta linte të lirë brazilianin, edhe pse pak muaj më parë kishte fituar Botërorin. Vetë Rivaldo do të pranonte që shkaku i largimit ishte pikërisht Van Gaal ndërsa holandezi e akuzoi për mungesë impenjimi.
Ronaldinho - Historia zyrtare e largimit të asit brazilian nga Barcelona në vitin 2008 është se, pas 5 vitesh në skuadër, ai nuk ndihej më në maksimumin e vet, pasi nuk mendonte që mund të jepte atë që kërkonte prej tij, trajneri i ri, Guardiola. Por në “Camp Nou” flitet se ishte në fakt jeta e brazilianit jashtë fushës së blertë që shkaktoi krisjen me Pep Guardiola-n, për shkak se numri 10 kishte fituar çdo trofe të mundshëm për klube por edhe me Brazilin e tij. Në fund klubi u lodh me sjelljen e tyre. Alexander Hleb, i blerë nga Guardiola para se Ronaldihno (dhe Deco) të shiteshin, do të thoshte më vonë se ata shkonin të dehur në stërvitje dhe në klub kishin frikë se do të shkatërronin edhe Leo Messi-n. 
A do të jetë Messi largimi tjetër i madh nga Barcelona?
Vendimi i yllit të futbollit, Lionel Messi, për të njoftuar klubin e tij, Barcelona, se dëshiron të largohet pas 20 vitesh, pa diskutim që ka shkaktuar një tërmet të vërtetë në të gjithë botën e futbollit. Pesha e argjentinasit të vogël në historinë e skuadrës katalanase është e jashtëzakonshme, aq sa zëri i tij, thonë, dëgjohet edhe më shumë sesa ai i presidentit të klubit Josep Maria Bartomeu.
Ky i fundit ka detyrën e vështirë për të bindur Messi-n që të tërhiqet nga vendimi i tij dhe të mos largohet. Por kjo nuk është një situatë e re për drejtuesit e atij që pretendon të jetë “më shumë se një klub”. Përgjatë historisë, shumë lojtarë të tjerë, yje të futbollit të cilët kanë veshur fanellën blaugrana, janë larguar nga skuadra mes polemikave dhe debateve.
Shfletoni galerinë për të mësuar historitë e tyre. (A2 Televizion)
A2 CNN Livestream
MUND TE LEXONI GJITHASHTU
