Ditë të rëndësishme për bizneset e oligarkut rus, Roman Abramovich. Pasi zyrtarizoi largimin e tij nga Chelsea, “The Times” tani raporton se ai ka shitur kompaninë e tij britanike të telekomunikacionit Truphone.
Kjo është një tjetër pengesë e madhe për Abramovich pasi, pavarësisht se kompania arriti një vlerë prej 516 milionë dollarësh në vitin 2020, ajo është shitur për shifrën simbolike 1 euro.
Roman Abramovich zotëronte 23% të Truphone pasi bëri, së bashku me Alexander Abramov dhe Alexander Frolov, një investim prej 375 milionë dollarësh. Tani, pronarët e rinj të firmës do të jenë Hakan Koc, pronar i platformës së tregtimit të makinave të përdorura Auto1 dhe Pyrros Koussios, i cili ka qenë më parë drejtor i një kompanie tjetër telekomunikacioni. Koc do të zotërojë 90% të Truphone dhe Koussios 10%.
Si rezultat i sanksioneve të vendosura nga Perëndimi ndaj oligarkëve rusë, Roman Abramovich, e ka parë pasurinë e tij (të vlerësuar në rreth 14 miliardë dollarë) të zvogëlohet pothuajse përgjysmë që nga fillimi i ofensivës ushtarake ruse në Ukrainë, më 24 shkurt. (A2 Televizion)
A2 CNN Livestream
MUND TE LEXONI GJITHASHTU
