“Po komunikon intensivisht më të tijtë,” Gjokutaj: Ia krijuan të gjitha mundësitë ligjore që të largohej

U deshën 4 orë tension, përplasje, akuza dhe bllokim seance për të gjetur një zgjidhje për votimin ku parlamenti do ti japë autorizimin SPAK për arrestimin e ish/kryeministrit që nuk dihet se ku ndodhet jashtë vendit. Opozita e ndarë u bë bashkë dhe ia doli. Ajo kërkoi që të votohej që sot, ndërsa socialistët këmbëngulnin që votimi të ishte të hënën. Një kompromis i propozuar nga Taulant Balla në orët e fundit si Kryetar i grupit socialist bëri që palët të dakordësohen që votimi për Ahmetajn të jetë nesër paradite në orën 10.00 në një seancë të posaçme dhe jo të hënën. Për këtë çështje dhe shumë pikëpyetje që lindin nga mos prania e ish zv/kryeministrit në Shqipëri u diskutua mbrëmjen e së enjtes në “Debat” nga Alba Alishani. (A2 Televizion)