Një afresk skandaloz aq sa perfekt në realizim.
Një nga gjetjet më të rëndësishme të kohërave të fundit në fushën e artit pamor klasik është zbuluar ditët e fundit në gërmadhat e Pompei, qytetit afër Napolit që mban një nga komplekset arkitektonike më të rëndësishme të epokës romake, e ruajtur për mijëra vjet nga hiri i shpërthimit të vullkanit Vezuv në vitin 79 p.e.s.
Gjatë një projekti evropian gërmimesh në një lagje ende të pazbuluar të kompleksit, arkeologëve i zuri syri disa nuanca ngjyrash vërtetë të rralla, që më pas treguan linjat elegante dhe sensuale të mbretëreshës spartane Leda, gjatë aktit seksual me Zeusin i transformuar në mjellmë, sipas legjendës klasike.
Legjenda e Ledës dhe Mjellmës është shumë e përhapur në botën greko-romake, dhe dekoronte ambientet e shumë vilave aristokratike, por ky i fundit mund të jetë pa frikë shembulli më i lartë i gjetur ndonjëherë.
(A2 Televizion)
