Alternativa për Gjermaninë, e ekstremit të djathtë, po feston atë që po konsiderohet si sukses histroik. Partia anti-emigracionit siguroi një fitore të madhe në zgjedhjet lokale në shtetin lindor të Turingisë, siç shkruan A2.
AFD fitoi gati 1/3 e votave ose 32,8%, 9% më shumë se CDU-ja konservatore dhe duke u poziconuar shumë më përpara tre partive në pushtet. Rezultatet i japin së djathtës ekstreme fitoren e parë në zgjedhje në Gjermani që nga mposhtja e Gjermanisë Naziste në Luftën e Dytë Botërore.
Megjithatë, ka pak shpresa që ajo të krijojë një qeveri në Turingi, pasi partitë e tjera nuk duan të bashkëpunojnë me të. Gjithashtu, AFD doli e dyta në zgjedhjet e tjera të rëndësishme në Saksoni, që është shteti më i populluar i Gjermanisë. Sipas rezultateve atje, CDU-ja ka siguruar 31,9% të votave, duke u renditur pak përpara AFD, e cila edhe në këtë land pati një shkëputje të thellë me partitë në pushtet, Social Demokratët, Të Gjelbrit, dhe liberalët e FDP.
Kancelari Olaf Scholz e cilësoi rezultatin si të hidhur dhe u bëri thirrje partive të tjera “mainstream” të krijojnë qeveritë në lande, pa të djathtën ekstreme: “AFD po dëmton Gjermaninë. Po dobëson ekonominë, po përçan shoqërinë dhe po shkatërron reputacionin e vendit tonë”.
Kandidati kryesor i AFD në Turingi, Björn Höcke, i cili është një figurë tejet kontroverse në Gjermani, foli me krenari të madhe për fitore historike. Ai nuk arriti dot të sigurojë një mandat të drejtpërdrejtë për Parlamentin e shtetit, po siguroi një vend pasi ishte në krye të listës së partisë së tij.
Alternativa për Gjermaninë konsiderohet parti ekstremiste e së djathës dhe është gjobitur për përdormin e sloganeve naziste. Rezultati i këtyre zgjedhjeve mund të thellojë edhe më shumë përçarjen mes parterëve të koalicionit vetëm një vit para se Gjermania të mbajë zgjedhjet e përgjithshme parlamentare. Në sondazhet kombëtare AFD renditet e dyta. (A2 Televizion)
A2 CNN Livestream
MUND TE LEXONI GJITHASHTU
