Në daljen e tij të fundit për mediat, presidenti rus Vladimir Putin bëri me dije se përpjekja e Ukrainës për të ndaluar ofensivën ruse në Donbass duke pushtuar rajonin e Kurskut të Rusisë ka dështuar.
“Moska do të merret me banditët ukrainas që u përpoqën të destabilizojnë rajonin kufitar”, u shpreh kreu i Kremlinit.
Deklaratat e Putin vijnë disa orë pasi Ministria ruse e Mbrojtjes njoftoi në Telegram se ka shkatërruar një autokolonë mjetesh ushtarake të Ukrainës në rajonin rus të Kurskut.
“Përparimi i kolonës së Forcave të Armatosura të Ukrainës është ndalur. Armiku nuk e priste një përgjigje kaq të ashpër. Pas sulmeve të dështuara frontale, ushtria u përpoq të depërtonte njësitë tona, por u kap në befasi", shkruhet në reagimin e ministrisë ruse, raporton A2.
Megjithatë, këto pretendime të ushtrisë ruse mbeten për t’u konfirmuar, por nëse Ukraina ka dështuar në Kursk, atëherë kjo do të ishte një goditje e madhe për Kievin, i cili shpresonte ta përdorte kontrollin e territoreve brenda Rusisë, si një as nën mëngë në negociatat për një paqe të mundshme. (A2 Televizion)
A2 CNN Livestream
MUND TE LEXONI GJITHASHTU
