Forcat e Mbrojtjes së Izraelit bëjnë me dije se kanë zbuluar një tjetër tunel të fshehtë pranë spitalit të qytetit të Tulkarem në Çisjordani, gjatë një operacioni të fundit kundër terroristëve të Hamasit.
Tuneli kishte vetëm hyrjen dhe jo një dalje, çka tregon se ishte ende në fazë ndërtimi. Kjo është hera e parë që gjendet një tunel i fshehtë në Çisjordani, i cili ndryshe nga Rripi i Gazës, nuk kishte të tillë.
Ndërkohë, avionët izraelitë kanë vijuar bombardimet në orët e vona të së premtes dhe të shtunë në mëngjes, në qendër dhe jug të Gazës.
Sipas të dhënave nga autoriteti palestinez, raporton A2, disa nga bombat izraelite ranë edhe mbi banesa civilësh, duke vrarë 14 persona, një pjesë e të cilëve fëmijë.
Që nga nisja e luftës mes Izraelit dhe Hamasit 41 182 palestinezë kanë humbur jetën, teksa mbi 95 mijë të tjerë kanë mbetur të plagosur. (A2 Televizion)
A2 CNN Livestream
MUND TE LEXONI GJITHASHTU
