“Izraeli po e zhyt Lindjen e Mesme në luftë totale”. Është ky alarmi që lëshohet nga qeveria në Liban, pas valës së fundit të bombardimeve nga ushtria e Izraelit që pretendon se shënjestroi Hezbollahun.
Bilanci i viktimave është përkeqësuar në Bejrut, ku raportohet për mbi 31 persona të vrarë, përfshirë tre fëmijë dhe shtatë gra.
“Kemi 68 të plagosur që janë transferuar për në 12 spitale. 2 prej tyre janë në gjendje kritike”, tha ministri i Shëndetësisë së Libanit, Firass Abiad.
Organizata që mbështetet nga Irani, konfirmoi humbjen e 16 anëtarëve, prej të cilëve dy komandantë të lartë të Hezbollahut. Ushtria izraelite njoftoi se në shënjestër të sulmit ishte njësia elitare Radwan, një grupim i mbështetur nga Irani që vepron në Liban.
Një komisioner i lartë i Kombeve të Bashkuara për të drejtat e njeriut tha gjatë mbledhjes së këshillit të sigurimit se shpërthimet e radio marrësedhënësve ditëve të kaluara në Liban, ngjarje që la të vdekur 37 persona, ka shkelur ligjin humanitar ndërkombëtar.
Sakaq, forcat izraelite bëjnë të ditur se sulmet në shtetin fqinj nuk do të ndalen. Po ashtu nuk kanë rreshtur as raketat e lëshuara nga Hezbollahu, me mbi 140 të tilla në orët e fundit. Pavarësisht frontit të ri, ushtria e shtetit hebre nuk ka ndalur bombardimet në Gaza.
Të paktën 18 persona humbën jetën në enklavën palestineze pasi bombat ranë në një shkollë. Tel Avivi pretendon se ishte qendër e një komandoje të Hamasit dhe se aty është vrarë një zyrtar i inteligjencës së grupimit.
(A2 Televizion)
A2 CNN Livestream
MUND TE LEXONI GJITHASHTU
