Një bombë amerikane e kohës së Luftës së Dytë Botërore, e groposur nën pistën e një aeroporti në Japoni, ka shpërthyer papritur të mërkurën.
Incidenti i paprecedentë ka ndodhur në aeroportin Miyazaki, në Japoninë jugperëndimore, raporton A2.
Kamera e një shkolle aviacioni në një distancë të shkurtër tregoi copa asfalti që hidheshin në ajër, ndërsa shpërthimi shkaktoi një krater prej 7 metrash të gjerë dhe një metër thellësi, shkruan A2.
Për fat në momentin e shpërthimit nuk ka pasur asnjë avion në këtë sektor të pistës dhe fatmirësisht nuk ka pasur të lënduar.
Autoritetet kanë konfirmuar se shpërthimi është shkaktuar nga një bombë amerikane rreth 220 kg, por ende nuk dihet shkaku. Më shumë se 80 fluturime u anuluan në aeroport, i cili pritet të rihapet të enjten në mëngjes.
Aeroporti Miyazaki u ndërtua në vitin 1943 si një terren fluturimi për trajnimin e Marinës Perandorake të Japonisë dhe prej asaj kohe shumë bomba amerikane të pashpërthyera janë zbuluar në zonë. (A2 Televizion)
A2 CNN Livestream
MUND TE LEXONI GJITHASHTU
