Zgjodhi CNN për intervistën e parë të saj të rëndësishme pas nominimit. Kandidatja demokrate për Presidente në Shtetet e Bashkuara, Kamala Harris, mbrojti ndryshimet e saj në politikë, Presidentin Joe Biden dhe kohën e saj në Shtëpinë e Bardhë.
Nënpresidentja, që shoqërohej në këtë intervistë nga bashkëgaruesi Tim Waltz, argumentoi se administrata aktuale ishte në gjendje të reduktonte kalimet e paligjshme të kufirit në muajt e fundit dhe të “rikuperonte ekonominë” pas pandemisë. Ajo i quajti politikat e Shtëpisë së Bardhë një “sukses”, duke treguar në mënyrë specifike një rënie në kostot e barnave dhe shkallën e papunësisë, siç raporton A2.
“Unë po flas për një epokë që filloi rreth një dekadë më parë, ku ka disa sugjerime të shtrembëruara. Masa e forcës së një lideri po bazohet në faktin se kë mposhtni në vend se të jetë aty ku besohet më shumë”, deklaroi Harris.
Ajo kritikoi menaxhimin e ekonomisë nga Donald Trump kur ishte President, ndërsa refuzoi të komentonte sulmet e rivalit të saj republikan lidhur me racën: “I njëjti libër lojërash. Pyetja tjetër, ju lutem.”
Por premtoi se në administratën e saj, nëse do të fitojë në nëntor, do të ketë vend dhe për një republikan: “Do të ishte në përfitim të amerikanëve të kisha një anëtar të kabinetit tim nga republikanët.”
Shkëmbimi më i tensionuar mes nënpresidentes dhe gazetares së CNN, Dana Bash, ishte për ndryshimet në politikat e saj, me përgjigjen e prerë të Harris se vlerat e saj nuk kanë ndryshuar. Për luftimin e emigracionit të paligjshëm premtoi të shndërronte në ligj një projekt që përfshin ndërtimin e një muri në kufi.
Ndërsa lidhur me luftën në Gaza konfirmoi qëndrimin e Shtëpisë së Bardhë se duhet një marrëveshje mes Izraelit dhe Hamasit, me shpëtimin e pengjeve dhe se palestinezët meritojnë të kenë shtetin e tyre. (A2 Televizion)
A2 CNN Livestream
MUND TE LEXONI GJITHASHTU
