Lufta e Izraelit me Hezbollahun shkon në Tel Aviv. Sirenat e alarmit ranë këtë të mërkurë në kryeqytetin ekonomik të Izraelit, kur Hebzollah lëshoi për herë të parë në histori një raketë, që siç pretendon shënjestroi selinë qendrore të agjencisë së shërbimeve sekrete, MOSAD.
Ky shënon një përshkallëzim të rrezikshëm të konfliktit me Izraelin, që i çon dy armiqtë e betuar më pranë luftës së plotë. Ushtria izraelite tha se një raketë e vetme u interceptua nga sistemet e mbrojtjes ajrore, pasi kaloi Libanin. Nuk ka raportime për dëme apo viktima, me ushtrinë që siguroi se nuk do të kishte ndryshime në udhëzimet e mbrojtjes civile për Izraelin qendror.
Zëdhënësi i ushtrisë tha se nuk mund të konfirmonte se kush ishte objektivi i Hezbollahut. Përshkallëzimi i sulmeve të Hezbollahut erdhi pasi ushtria izraelite nisi bombardimet më të rënda ajrore kundër Hezbollahut, duke goditur qindra pozicione në thellësi të Libanit e duke vrarë edhe komandantin e lartë, Ibrahim Qubaisi në një sulm në Beirut. Milica e mbështetur nga Irani fajësoi Mosadin për vrasjen e tij.
Që prej së hënës në mëngjes rreth 570 persona, përfshirë 50 fëmijë kanë humbur jetën në Liban e mijëra të tjerë janë plagosur. Gati gjysmë milion njerëz vlerësohet të jenë shpërngulur në Liban. Në Bejrut, mijëra qytetarë që ishin larguar nga Libani jugor po strehohen në shkolla dhe godina të tjera. (A2 Televizion)
A2 CNN Livestream
MUND TE LEXONI GJITHASHTU
