Kamala Harris ka zbuluar se ka kontaktuar rivalin e saj në garën Presidenciale, Donald Trump, më herët gjatë kësaj të marte për t'u siguruar që ai ishte mirë.
Telefonata e Harris vjen tre ditë pas incidentit të së dielës në Florida ku Shërbimi Sekret arrestoi një person të armatosur që u gjet jashtë një fushe golfi ku ish-presidenti amerikan po luante dhe për qëllim kishte ekzekutimin e tij.
“Unë e informova se në vendin tonë nuk ka vend për dhunë politike”, tha Harris, duke theksuar se ajo kandidon në këto zgjedhje për të mbrojtur demokracinë.
"Në një demokraci ne duhet të kemi diskutime dhe mosmarrëveshje të shëndetshme pa përdorur dhunë”, u shpreh kandidatja demokrate, raporton A2.
Harris shprehu gjithashtu besimin e saj te agjentët e Shërbimit Sekret Amerikan, duke vënë në dukje se sulmet e ekstremit të djathtë kanë rritur ndjenjat e pasigurisë midis grupeve vulnerabil, shkruan A2.
"Ndihem e sigurt, por kjo nuk e ndryshon pikëpamjen time se sa e rëndësishme është të luftosh për sigurinë e të gjithëve", nënvizoi Harris. Biseda përfundoi me Harris duke theksuar nevojën për solidaritet. (A2 Televizion)
A2 CNN Livestream
MUND TE LEXONI GJITHASHTU
