Zëdhënësi i Ministrisë së Jashtme të Iranit, Esmaeil Baghaei, ka dënuar rezolutën e Këshillit të Sigurisë së Kombeve të Bashkuara për Iranin duke e quajtur atë “plotësisht të paligjshme”.
Në një deklaratë në rrjetin social X, Baghaei tha se rezoluta e miratuar të mërkurën, e cila dënon sulmet e Iranit ndaj vendeve të Gjirit dhe Jordanisë, “shtrembëron parimet themelore” të Kartës së OKB-së dhe të së drejtës ndërkombëtare.
Ai akuzoi sponsorët e rezolutës se po injorojnë faktin që “Irani po mbrohet nga një agresion i paprovokuar nga dy regjime agresore (SHBA-Izrael)”.
“Asnjë vend nuk duhet të ofrojë ndonjë ndihmë për luftën e paligjshme të SHBA-së dhe Izraelit kundër Iranit,” tha ai, duke shtuar se Teherani “nuk ka asnjë qëllim të shkelë sovranitetin apo integritetin territorial të fqinjëve të tij dhe ka treguar përmbajtje maksimale”. (A2 Televizion)
A2 CNN Livestream
MUND TE LEXONI GJITHASHTU
