Izraeli ka intensifikuar sulmet me raketa në Bejrut, ndërsa gjatë së premtes u sulmua edhe selia qendrore e Hezbollahut.
Ushtria izraelite ka thënë se lideri i Hezbollah Hassan Nasrallah është vrarë. Në një postim në rrjetin X kanë deklaruar se “Hassan Nasrallah nuk do të jetë në gjendje të terrorizojë botën”. Ushtria izraelite më pas tha se ka kryer sulme të mëtejme ndaj Hezbollahut, pas sulmeve fillestare në selinë e grupit, duke shtuar se po vazhdon të "degradojë dhe shkatërrojë" aftësitë e Hezbollahut.
Ka qenë një natë e gjatë në Bejrut për njerëzit që ikin nga Libani jugor. Agjencia e OKB-së ka mbi 500 strehimore që punojnë për të ndihmuar njerëzit e zhvendosur. Ajo raporton se ka parë "mijëra e mijëra" duke u larguar nga periferitë jugore të Bejrutit - disa duke fjetur në parqe, në rrugë ose në makina.
Hassan Nasrallah është një nga figurat më influencuese në Lindjen e Mesme. Ai nuk është parë në publik prej vitesh për shkak të frikës se mund të vritej nga Izraeli.
Një figurë e errët me lidhje të ngushta personale me Iranin, ai luajti një rol kyç në kthimin e Hezbollahut në forcën politike dhe ushtarake që është sot. Nën udhëheqjen e Nasrallah, Hezbollahu ka trajnuar luftëtarët nga grupi i armatosur palestinez Hamas, si dhe milicitë në Irak dhe Jemen, dhe ka marrë raketa nga Irani për t'u përdorur kundër Izraelit. (A2 Televizion)
A2 CNN Livestream
MUND TE LEXONI GJITHASHTU
