Të paktën 11 palestinezë u vranë nga forcat izraelite në veri të Bregut të Pushtuar Perëndimor, ku Izraeli njoftoi nisjen e një operacioni të madh kundër terrorizmit. Të paktën 4 qytete palestineze janë shënjestruar në të njëjtë kohë, Jenin, Tulkarm, Nablus dhe Tubas, në operacionin më të madh që prej intifadës së dytë, siç është pagëzuar kryengritja nga viti 2000 deri në2005.
Autoritetet palestineze raportojnë se, 5 persona , të cilët sipas Izraelit janë terroristë, u vranë në një sulm ajror në kampin e refugjatëve të al-Far’a dhe 6 të tjerë në një sulm me dronë dhe përleshje të armatosura në Jenin.
Forcat izraelite thonë se kanë hyrë në një spital të jenin dhe se kanë bllokuar dy në Tulkarm. Ndërkohë, operacionet ushtarake në Nablus janë fokusuar në 2 kampe refugjatësh atje. Në kampin e Far’a pranë Tubas, mjekët thonë se ambulancat nuk po munden të arrijnë tek të plagosurit pas një sulm me dron.
“Rreth orës 2, ushtria mësyu kampin e refugjatëve me një numër të madh ushtarësh. Ata sulmuan kampin nga disa anë. U befasuam për këtë sulm në zonë, ku mbetën të vrarë disa persona e u plagosën 10 të tjerë”, u shpreh mjeku Nidal Oudeh.
Ministri i Jashtëm izraelit Israel Katz bëri të ditur se forcat e mbrojtjes izraelite po operonin më fuqi të plotë që prej mbrëmjes së kaluar në kampet e refugjatëve të Jenin dhe Tulkram, për të shkatërruar infrastrukturat terroriste Islamike të Iranit.
Ai akuzoi Iranin që mbështet grupet e armatosura të Hamasit dhe Xhihadit Islamik se po kërkojnë të hapin një front tëri kundër Izraelit në Bregun Perëndimor. (A2 Televizion)
A2 CNN Livestream
MUND TE LEXONI GJITHASHTU
