Shitësi me pakicë kanadez i veshjeve luksoze SSENSE ka thënë se planifikon të paraqesë kërkesë për falimentim, duke përmendur pjesërisht presionin nga tarifat amerikane, përfshirë ato mbi pakot me vlerë të ulët me destinacion SHBA-në, të cilat sapo hynë në fuqi.
Sipas mediave të huaja, në një email drejtuar stafit nga CEO Rami Atallah, firma me seli në Montreal tha se ishte "e befasuar" nga eliminimi i përjashtimit ‘de minimis’ për dërgesat në SHBA.
Përjashtimi ‘de minimis’ lejonte dërgesat pa taksa në SHBA për pako me vlerë 800 dollarë (1,100 dollarë kanadezë; 592 £) ose më pak dhe përdorej gjerësisht nga firmat e tregtisë elektronike dhe shitësit me pakicë globalë për të dërguar pako të vogla në SHBA.
Kujtojmë se Presidenti Donald Trump lëshoi një urdhër ekzekutiv që pezullonte përjashtimin muajin e kaluar, shkruan A2 CNN. (A2 Televizion)
A2 CNN Livestream
MUND TE LEXONI GJITHASHTU
