Qeveria në Libinë Lindore deklaroi të hënën se të gjitha fushat e naftës do të mbyllen ndërsa edhe prodhimi i arit të zi dhe eksportet do të ndalen, pa dhënë detaje të mëtejshme.
Lajmi nuk është konfirmuar nga qeveria e njohur ndërkombëtarisht në Tripoli, teksa edhe Korporata Kombëtare e Naftës nuk ka reaguar.
Megjithatë, filiali i NOC, “Waha Oil Company” njoftoi se po planifikon të reduktojë gradualisht prodhimin dhe paralajmëroi për një ndalesë të plotë të prodhimit duke përmendur "protesta dhe presione".
Waha, e cila operon një sipërmarrje të përbashkët me TotalEnergies dhe ConocoPhillips, ka një kapacitet prodhimi prej rreth 300,000 fuçi në ditë që eksportohet përmes portit lindor të Es Sider.
Ajo operon pesë fusha kryesore në juglindje duke përfshirë Waha e cila prodhon më shumë se 100,000 fuçi si dhe ato në Gallo, Al-Fargh, Al-Samah dhe Al-Dhahra.
Shumica e fushave të naftës të Libisë janë në lindje, e cila është nën kontrollin e Khalifa Haftar, i cili drejton Ushtrinë Kombëtare Libiane.
Fraksionet libiane janë të bllokuar në një luftë për pushtet mbi kontrollin e bankës qendrore dhe të ardhurat e vendit nga nafta.
Raundi i fundit i tensioneve u shfaq pas përpjekjeve të fraksioneve politike për të rrëzuar kreun e Bankës Qendrore të Libisë Sadiq al-Kabir, me fraksione të armatosura rivale të mobilizuara nga secila anë. A2 CNN. (A2 Televizion)
A2 CNN Livestream
MUND TE LEXONI GJITHASHTU
