Izraeli ka ngritur nivelin më të lartë të gatishmërisë, pas sinjaleve për një sulm të mundshëm të Iranit si hakmarrje ndaj goditjeve të Izraelit. Lajmi është bërë i ditur nga burime ushtarake izraelite për rrjetin amerikan CNN.
Inteligjenca dhe ushtria izraelite po vlerëson faktet se si mund të kundërpërgjigjet Irani dhe kur mund të ndodhë hakmarrja. Burimi për CNN bëjnë me dije se sulmet e fundit izraelite në objektet e prodhimit të raketave iraniane dhe instalimet e mbrojtjes ajrore kanë "krijuar një dilemë për Teheranin" pasi aftësia e tij për të goditur Izraelin dhe për t'u mbrojtur kundër sulmeve të ardhshme izraelite ka degraduar.
Ndërkohë, një tjetër masakër ka ndodhur nga Rripin e Gazës. Dyzet e shtatë palestinezë u vranë dhe dhjetëra u plagosën, shumica prej tyre fëmijë dhe gra, si rrjedhojë e bombardimeve izraelite, njoftoi të premten agjencia palestineze e lajmeve WAFA. Sulmet ndodhën në qytetin Deir Al-Balah, kampin Nuseirat dhe qytetin Al-Zawayda. Ushtria izraelite tha se trupat e saj kishin identifikuar dhe eliminuar "disa terroristë të armatosur" në Gaza qendrore dhe kishin eliminuar "dhjetëra terroristë" në sulmet e synuara në zonën veriore të Gazës Jabalia, shkruan A2.
“Ajo që ndodhi këtu është se ata na sinjalizuan se kishte një sulm dhe ne ikëm të fshiheshim, vendi ishte i errët. Ka një numër të dëshmorëve, nga tre familje. Janë disa dëshmorë nën rrënoja dhe ka mungesë kapacitetesh, buldozerësh dhe karburantesh. Rrethimi ka shteruar të gjitha aftësitë tona”, tha Salah Abdel Hadi, drejtori i mbrojtjes civile.
Sakaq, SHBA po i bën presion Libanit që të shpallë një armëpushim të njëanshëm me Izraelin për të ringjallur bisedimet e ngecura për t'i dhënë fund armiqësive midis Izraelit dhe Hezbollahut, citon Agjencia e Lajmeve Reuters.
Ata thanë se përpjekja iu komunikua nga i dërguari amerikan Amos Hochstein kryeministrit të përkohshëm libanez Najib Mikati këtë javë, ndërsa SHBA rriti përpjekjet diplomatike për një armëpushim midis Izraelit dhe grupit militant Hezbollah të mbështetur nga Irani. (A2 Televizion)
A2 CNN Livestream
MUND TE LEXONI GJITHASHTU
