Të paktën 41 vetë u vranë dhe mbi 180 të tjerë u plagosën të martën, kur Rusia goditi një institut arsimor ushtarak në qytezën qendrore të Poltavas.
Presidenti Volodymyr Zelensky e cilësoi këtë si një prej sulmeve më vdekjeprurëse që prej fillimit të luftës. Përmes një video-mesazhi Zelensky bëri të ditur se forcat ukrainase kishin lëshuar dy raketa balistike duke dëmtuar një godinë në Institutin ushtarak të Komunikimeve.
“Jam informuar për një sulm rus në Poltava. Sipas të dhënave paraprake, dy raketa balistike goditën territorin e një institucioni ushtarak dhe një spital të afërt. Një prej godinave të Institutit të Komunikimeve u shkatërrua pjesërisht. Njerëzit e gjetën vetën nën rrënoja. Shumë u shpëtuan. Më shumë se 180 njerëz u plagosën. Aktualisht të paktën 41 vetë janë konfirmuar të vrarë”. Deklaroi Zelensky.
Teksa njoftoi nisjen e një hetimi të plotë mbi rrethanat e sulmit, Zelensky përsëriti thirrjen drejtuar perëndimit, për më shumë sisteme të mbrojtjes ajrore. Ai u kërkoi aleatëve të lejojnë përdorimin e raketave të tyre me rreze të gjatë për sulme në thellësi të territorit rus, në mënyrë që të mbrojnë Ukrainën. (A2 Televizion)
A2 CNN Livestream
MUND TE LEXONI GJITHASHTU
