Ahmad Alamolhoda, anëtar i Asamblesë së Ekspertëve të Iranit, ka thënë se zgjedhjet për udhëheqësin e ardhshëm janë mbajtur dhe udhëheqësi është zgjedhur, raporton A2CNN.
Ai ka thënë se tani gjithçka varet nga kreu i Sekretariatit të Asamblesë së Ekspertëve, Hosseini Bushehri, i cili aktualisht është përgjegjës për njoftimin publik të vendimit, raporton agjencia gjysmëzyrtare e lajmeve Mehr.
Zhvillimet vijnë në një kohë kur lufta në Iran është futur në javën e dytë të saj dhe ushtria e izraelit ka paralajmëruar se do të shënjestrojë çdo pasardhës të udhëheqësit suprem të Iranit, Ajatollah Ali Khamenei.
Mojtaba Khamenei, djali i dytë i Ali Khamenei-t, është shfaqur në skenë si figura më e mundshme për të pasur të atin, i cili u vra në ditën e parë të luftës me SHBA-në dhe Izraelin. Ndonëse emri i tij ende nuk është konfirmuar zyrtarisht, gjasat janë të mëdha që të jetë ai Lideri i zgjedhur Suprem i Iranit.
56-vjeçari nuk ka kandiduar kurrë për një detyrë zyrtare dhe as nuk i është nënshtruar një votimi publik, por për dekada ka qenë një figurë shumë me ndikim në rrethin e ngushtë të udhëheqësit suprem, duke mbajtur lidhje të forta me IRGC-në.
Në vitet e fundit, Mojtaba Khamenei është cilësuar gjithnjë e më shumë si një zëvendësues i mundshëm për të atin. Nëse ai ngjitet në pushtet, atëherë kjo do të ishte një shenjë se fraksione më të ashpra në establishmentin e Iranit do të mbajnë pushtetin dhe mund të tregojë se qeveria ka pak dëshirë të bjerë dakord për një marrëveshje ose negociata në afat të shkurtër.
(A2 Televizion)
A2 CNN Livestream
MUND TE LEXONI GJITHASHTU
