Kryeministri izraelit Benjamin Netanjahu, këmbëngul që forcat izraelite të kenë kontrollin e përhershëm të korridorit Filadelfi, një rrip strategjik toke në Gazën Jugore, përgjatë kufirit me Egjiptin.
A2 CNN raporton se ai u tha mediave në Jerusalem se prania izraelite në zonën neutrale, është e domosdoshme për të parandaluar që armatime dhe pengje të mundshme izraelite të trafikohen përtej kufirit.
Gaza duhet të çmilitarizohet dhe kjo mund të ndodhë vetëm nëse korridori i Filadelfit mbetet nën kontroll të rreptë, sipas Netanjahut. Ai tha se Izraeli do të konsideronte tërheqjen nga korridori vetëm në rast të një force alternative për ta kontrolluar atë.
Komentet vijnë ndërsa Shtetet e Bashkuara po hartojnë një propozim të ri që synon arritjen e armëpushimit dhe lirimin e pengjeve izraelite. “Kushtet që do të kemi për një armëpushim të përhershëm duhet të përfshijnë një situatë ku korridori i Filadelfias nuk mund të shpohet. Dikush duhet të jetë atje. Më sillni këdo që do të na tregojë në të vërtetë se mund ta parandalojnë vazhdimin e kontrabandës. Unë nuk e shoh që kjo të ndodhë tani. Dhe derisa të ndodhë kjo, ne do të jemi atje”, tha Netanjahu.
Deklaratat e fundit të Netanjahut përfaqësojnë një çarje të vogël në këmbënguljen e vazhdueshme që forcat izraelite të mos largohen nga kufiri jugor I gazës. Sipas raportimeve mediatike, shefat e sigurisë, përfshirë ministrin e tij të mbrojtjes, raportohet të kenë mbështetur aleternativa ndaj pranisë ushtarake përgjatë kufirit, të tillë si zgjidhje teknologjike për të monitoruar aktivitetet atje.
Hamasi, që kontrollon rripin e gazës, tha në një deklaratë të cituar nga Reuters se vendimi i Netanjahut për të mos tërhequr trupat nga korridori Filadelfi është një përpjekje për të minuar marrëveshjen për armëpushim, ndërsa shtoi se është koha që presioni ndaj izraelit të rritet. (A2 Televizion)
A2 CNN Livestream
MUND TE LEXONI GJITHASHTU
