Çdo peng izraelit i liruar nga paraburgimi i Hamasit do të marrë një kontribut fillestar financiar prej afërsisht 16 000 eurosh.
Përfitimet e garantuara nga qeveria Netanyahu do të fillojnë me kthimin e qytetarëve në atdheun e tyre, si pjesë e shkëmbimit të të burgosurve të rënë dakord në planin e armëpushimit të ndërmjetësuar nga administrata Trump. Kjo u njoftua nga Instituti Kombëtar i Sigurimeve të Izraelit, agjencia kombëtare e sigurimeve shoqërore e vendit.
Në fazën e parë, çdo peng që kthehet do të marrë një kartë të parapaguar me vlerë 1000 euro dhe një kontribut shtesë në para prej afërsisht 15 000 euro, shkruan A2.
Pengjeve të liruar do t'u garantohet gjithashtu një shtëpi. Banorët e zonave pranë Gazës kanë të drejtë për strehim alternativ përmes Autoritetit të Rindërtimit. Pengjet që jetojnë në zona të tjera do të kenë të drejtë për një kontribut prej 66 000 eurosh për blerjen e një shtëpie.
Trajtimet mjekësore plotësuese do të mbulohen deri në një maksimum prej 1600 eurosh në vit. Mbështetja mjekësore do të garantohet gjithashtu për një vit të plotë, ekuivalente me pagën e fituar para ngjarjeve të 7 tetorit 2023, me qëllim përmbushjen e nevojave fillestare të procesit të rimëkëmbjes dhe riintegrimit në vend. (A2 Televizion)
A2 CNN Livestream
MUND TE LEXONI GJITHASHTU
