Situata në Bregun Perëndimor të pushtuar mbetet e tensionuar, ndërsa gjatë ditës janë raportuar incidente të reja mes kolonëve izraelitë, forcave izraelite dhe banorëve palestinezë.
Sipas agjencisë zyrtare palestineze të lajmeve Wafa, kolonë izraelitë sulmuan banorë palestinezë dhe aktivistë ndërkombëtarë në fshatin Jurish, në jug të Nablusit. Raportohet se gjatë përleshjeve janë përdorur edhe granata zhurmuese.
Ndërkohë, një palestinez u plagos pasi u qëllua nga policia izraelite, ndërsa një tjetër u arrestua në Jerusalemin Lindor të pushtuar.
Sipas të njëjtave raportime, kolonë izraelitë sulmuan zonat periferike të qytetit Sinjil, në veri të Ramallahut, para agimit dhe u vunë flakën disa kulturave bujqësore.
Në një tjetër incident, persona të dyshuar si kolonë dëmtuan shtyllat elektrike në periferi të qytetit Beita, në jug të Nablusit.
Forcat izraelite gjithashtu kryen një operacion në qytetin e Nablusit gjatë orëve të para të mëngjesit, ku sipas Wafa-s u arrestuan tre palestinezë.
(A2 Televizion)
A2 CNN Livestream
MUND TE LEXONI GJITHASHTU
