Presidenti rus Vladimir Putin në kulmin e inkursionit ukrainas në Kursk ka zgjedhur të “arratiset” në rajonin e Çeçenisë, republikën ruse të Kaukazit që sundohet me grusht të hekurt nga aleati i tij i ngushtë Ramzan Kadyrov.
Në të parën vizitë në Çeçeni që nga viti 2011, Putin u pa të mbërrinte në rajon me një helikopter të Forcave Ajrore ruse.
Televizioni publik rus shfaqi pamjet e Putinit duke mbërritur me helikopter, ndërsa Kadyrov dhe bashkëpunëtorët e tij të ngushtë e pritën në aeroport.
Më herët lideri Kadyrovnjoftoi ardhjen e kreut të Kremlinit përmes një postimi në Telegram.
Putin is visiting Chechnya for the first time in 13 years. No word yet on whether Kadyrov is going to take him for a spin in his Cybertruck pic.twitter.com/4KRMqkvkTd
— max seddon (@maxseddon) August 20, 2024
“Në kuadër të kësaj vizite është planifikuar një program i pasur. Njerëzit do të jenë të lumtur. Ata do të jenë të lumtur që presidenti erdhi në Republikë. Për ne është një motivim, është rinovim. Është një lumturi e madhe”, u tha gazetarëve lideri çeçen, raporton A2 CNN.
Sipas Kadyrov, Putin e filloi vizitën duke vizituar varrin e Akhmat Kadyrov, babait të tij dhe paraardhësit në udhëheqjen e Çeçenisë, i cili u vra në një sulm nga rebelët islamikë në vitin 2004.
Më herët gjatë së martës, Putin shkoi në Beslan, Osetia e Veriut, me rastin e 20 vjetorit të sulmit vdekjeprurës nga islamistët çeçenë në një shkollë fillore. (A2 Televizion)
A2 CNN Livestream
MUND TE LEXONI GJITHASHTU
