Tronditet Ukraina, dhe jo vetëm nga raketat ruse. Teksamoska ka lëshuar një valë të re sulmesh, një tërmet politik po shkund Kievin. Ministri i Jashtëm DmytroKuleba, dha dorëhqjen në vazhdën e riformatimit të qeverisë që do të prekë gjysmën e ministrave. Një ditë më herët dhanë dorëheqjen ministrat e Drejtësisë, Mjedisit dhe Industrive Strategjike.
Njoftimi vjen ndërsa Moska sulmoi qytetin perëndimor të Lvivit, në kufi me Poloninë, duke shkaktuar vdekjen e të paktën 7personave, 3 prej të cilëve fëmijë. Mes viktimave është një foshnjë dhe dy vajza, 9 dhe 14 vjeç e po ashtu një grua që punonte si mami në qytet.
Kryebashkiaku i Lviv, Andriy Sadovy tha se Moska kishte lëshuar dronë dhe raketa hipersonike. Dhjetëra qytetarë u plagosën në qytetin kufitar, e më shumë se 50 godina në zemër të qytetit u dëmtuan, përfshirë shtëpi, shkolla e klinika. Shpërthime u dëgjuan edhe në kryeqytetin Kiev, ku sistemet e mbrojtjes ajrore interceptuan raketa ruse.
Ndërkohë, 5 persona u plagosën pas goditjes së një hoteli dhe dëmtimit të blloqeve të afërta në Krivi Rih. Sipas ushtrisë ukrainase i gjithë vendi është nën alarm për sulme ajrore. Vala e re e agresionit erdhi më pak se 24 orë pas sulmi të rëndë në qytetin e Poltavës ku të paktën 50 persona u vranë në një institut ushtarak. Ekipet e shpëtimit vijojnë ende kërkimet në rrënojë për gjetjen e të mbijetuarve të mundshëm. (A2 Televizion)
A2 CNN Livestream
MUND TE LEXONI GJITHASHTU
