Të paktën 40 persona u vranë dhe rreth 60 të tjerë u plagosën pas sulmeve izraelite në një zonë humanitare në Gazën Jugore. Banorët lokalë atje, thonë se tre sulme kishin goditur tendat e strehimit për personat e shpërngulur në Al-Mawasi në perëndim të qytetit të Khan Younis, duke shkaktuar kratere deri 9 metra të thellë.
Dëshmitarë rrëfejnë se shpërthime të mëdha kishin tronditur zonën humanitare pak pasmesnatës, dhe flakë u panë të ngriheshin drejt qiellit. Sipas shërbimeve të emergjencës civile të paktën 20 tenda kishin marrë zjarr dhe mes viktimave përfshihen gra e fëmijë, transmeton A2.
Ekipet tona vazhdojnë të nxjerrin viktima e të plagosur nga zona e shënjestruar. Kjo duket të jetë një masakër e re Izraelit. Video të paverifikuara tregojnë civilë teksa gërmojnë më duar në rërë, në përpjekjen për të shpëtuar palestinezët e bllokuar në një vrimë të madhe të shkaktuar nga raketat.
Ushtria izraelite pretendon se objekt i sulmit ajrore kishin qenë qendrat operacionale të luftëtarëve të Hamasit në Khan Junis dhe se kishte marrë masa për të minimizuar dëmet ndaj civilëve, raporton A2.
Në një deklaratë zëdhënësi i forcave të mbrojtjes tha se ushtria kishte goditur një numër të konsiderueshëm terroristësh që operonin brenda një qendre komandoje dhe kontrolli të ngritur brenda zonës humanitare në KhanYunis.
Por Hamas e quan një gënjeshtër flagrante pretendimin për praninë e luftëtarëve të vet në zonën ku po qëndrojnë mijëra palestinezë të shpërngulur që prej nisjes së fushatës ushtarake të Izraelit. (A2 Televizion)
A2 CNN Livestream
MUND TE LEXONI GJITHASHTU
